|
Li
prumî djoû al nêt, dji m’a èdwârmu su l’ sauvion à mile miles dè
prumî amia. Dj’èsteu byin pus d’sseûlé qu’on-ome su saquants plantches
au mitan dèl grande basse. Rindoz-v’ compte d’abôrd comint qu’
dj’a stî sêzi, al piquète dè djoû, quand one drole di p’tite vwès
m’a v’nu dispièrter, tot m’ dijant :
―
S’i vos plêt… dèssinez-m’ on bèdot !
―
Di qwè ?
―
Dèssinez-m’ on bèdot…
Dji
m’a astampé d’one traque come dj’aureu stî djondu dèl ton’wâre. |
