Antoine de Saint-Exupéry

» De klä Prinz «

In en Hunsrücker Platt (vun mitte drin)
umgeschrieb vum
Josef Peil

[The Little Prince / Le Petit Prince / Der kleine Prinz]


96 Seiten

ISBN 978-3-946190-68-4

€ 16,00
Am erste Omend honn ich mich for ze schlofe uf de Sand gelaacht  – tausend Meile weit fort vun jedem Mensche. Eich war allän, ganz allän, schlimmer noch wie äner wo allän uf eme Holz im Ozean schwimmt, weil sei Schiff unnergang is. Weile könnt dehr ouch wohl mei Iewerraschung vorstelle, wie mich gleich bei Daach en eihe-artich hell Stimmche geweckt hot. Das saht:
„Bitte – molst dou mer en Schof!“
„Hä?“
„Mol mer en Schof!“
Wie vum Blitz getroff sin ich uf die Fieß gesprung. Eich hommer die Auhe gerieb. Eich honn ganz genau hiengeguckt. Un was ich gesiehn honn: En ganz eihe-artich klä Kerlche, wo meich ganz eerscht aangeguckt hot. Guckt lo das Bild, wo ich viel spärer, so einichermoße gut, vun em mole konnt.